EDITO 2024
Caru pubblicu, cari amichi è care amiche,
​
Simu felici di presentavvi a sesta edizione di u Festivale di musica classica è tradiziunale di l’associu Camerata Figarella. Un Festivale chì si sparghjerà ind’u Cismonte sanu.
Torna quist’annu, decine di musicanti corsi è europei s’aduniscenu ind’u paese di Figarella per appruntà 14 cuncerti è assai pruggetti pedagogichi dinù.
​
U festivale principierà nant’à a piazza à a Ghjesa di Figarella cù u Taraf di ChiÈ™inău et Marin Bunea, viulinista di prima trinca è famosu raprisentante di e tradizione centinarie di i Lautari di Bessarabia, Vallachia è Moldavia. Seguiteranu trè cuncerti, tutti sfarenti, in Castellu Brandu, Corti è Siscu in giru à u prugramma “U funografu è a penna” chì ci purteranu à a scuperta di a musica di sti cumponitori chì hanu pè primi, racoltu è ancu censatu canti è balli paisani: d’Enescu sin’à Bartok è u frate armenu Komitas ma dinù cumponitori rumantichi cum'è Brahms, Schumann, Haydn è Schubert.
​
Da Santa Maria di Lota à Oletta i strumenti rispunderanu à a chjama di e voce cù u prugramma “Cantà in cumpagnia” scontru musicale trà frottole tuscane è paghjelle in giru à puesia è madrigale di u Rinascimentu,è u cantu sacru.
​
E virtuose musiche barocche d’Europa rimbomberanu in Ruglianu è in Pigna traspurtenduci à mezu à u XVII seculu induve creazione, cuccagna è affetti eranu l’ingredienti acustichi di issa manera nova di cumpone chjamata all’epica: “stylus phantasticus”.
​
È da un seculu à l’altru navigheremu versu u spettaculu di musica è teatru “Novecento Pianiste” messu in scena è ghjucatu da u cumediante figarellese Sampiero Medori à partesi di u monologu di Alessandro Baricco. Da Bastia à Luri, bazzicati da versi Jazz è da a musica di Maurice Ravel, issu spettaculu ci imbarca ind’è l’anni 30 nant’à i ponti di i battelli : “quallà induve chì a musica imbriaca, quallà induve u mare ghjè infinitu” dice A. Baricco.
​
In chjusura, ci truveremu pè a tradiziunale ghjurnata è serata di festa in Purettu Brandu: musica classica è tradiziunale di a capitale di u meziornu talianu : Napuli a bella.
Avete da ballà qualchì tarantella cun noi, o nò ?
​
Pubblicu fidu è pubblicu novu, venite à sparte isse stonde di musica è di piacè cun noi!
A Camerata Figarella
​
​
Sabbatu u 21 Setembre, 19H30 Santa Maria di Lota
Figarella
Dumenica u 22 Setembre, 18H30 Aleria
Situ Anticu
"U cantu di u viulinu"
Musique des Lautari de Roumanie et Moldavie
Solistes : Marin Bunea, Ion Croitor, Sergiu Diaconu
Guests : Noé Clerc, Noé Nillni, Anthony Caillet, Ange Sierakowski
Simu assai felici di pudè accoglie in Corsica, induve hè assai forte a pratica di u viulinu tradiziunale, u viulinista Marin Bunea è u Taraf de ChiÈ™inău, gruppu di prima trinca di a musica detta Lautaresca. I Lautari, truvatori rumeni, sò una curpurazione di musichenti, sò affacati ind’è l’antichi rughjoni di a Valacchia, Bessarabia è Dobruja à u principiu di u XVIesimu seculu, è fermanu sempre oghje i guardiani di una tradizione virtuosa. Venite, à scopre, per indettu, u “Calusari”, ballu tradiziunale trà i più infuriati d’Europa.
Dumenica u 22 Settembre, 19h00 BRANDU
Ghjesa di Castellu
Marti u 24 Settembre, 20H30 CORTI
Ghjesa di L'annunziata
Mercuri u 25 Settembre, 19H30 SISCU
Ghjesa di San Martinu
Les compositeurs ethnomusicologues en trois chapitres
Solistes :Hayoung Choi, Juliette Beauchamp, Andrei Gologan
Issi trè cuncerti, tutti sfarenti, seranu l’occasione per u pubblicu di scopre u ripertoriu di a musica da camera di cumponitori cum`è Béla Bartok, Georges Enescu è Gyorg Ligeti o puru u frate armenu Komitas. Sti cumponitori, sò stati trà i primi à praticà l’etnomusicologia nant’à u terrenu, fonografu o penna in manu è arregistrendu canti, strumenti, è puesie di u patrimoniu populare citadinu è campagnolu. Sò stati figure impurtanti di a storia di a musica, chì hanu ispiratu u travagliu maiò fattu in Corsica dopu a seconda guerra mundiale dà Félix Quilici o da Wolgfang Laade è da quelli chì sò venuti dopu.
U cuncertu serà dinù l’occasione di sente opere di musichenti classichi è rumantichi ispirate du folklore di l’epica cum’è u Quartettu di Brahms o u Trio “Alla zingara” di Haydn.
Luni u 23 Settembre, 20h SANTA MARIA DI LOTA
Ghjesa di Figarella
Marti u 24 Settembre, 20h OLETTA
Ghjesa di Sant'Andria
"Cantà in cumpagnia"
Chant du moyen-âge italien, polyphonie corse et diminution instrumentale
Solistes : Michel Paoli, Jean Etienne Langianni, William Dongois, Fausto Sierakowski, Stefan Legée, Enea Sorini, Daniel Gonet, Ange Sierakowski
Cantà in cumpagnia hè una citazione chì si trova ind’u manuscrittu di u 1584 di Girolamo Dalla Casa “il vero modo di diminuir”. A diminuzione hè una pratica d’impruvisazione musicale assai sparta versu a fine di u Rinascimentu è u principiu di l’epica barocca. U principiu hè semplice : diminuì attempu u valore ritmicu di una nota cù altre note più spicciate: era una manera d’impruvisà chì si tramandava à bocca è chì rispettava u sensu ritmicu è melodicu di u testu.
Tandu, issu cuncertu serà l’occasione di stà à sente quattru musichenti è impruvisatori chì “in cumpagnia” intricceranu i soni di i so strumenti cù e voce di Enea Sorini, specialista di u madrigale è di a frottola taliana è e paghjelle sacre è prufane di Michè Paoli, Ghjuvan’ Stefanu Langianni è Daniele Gonet.
"Gioia e affetti : Stylus phantasticus"
Ghjovi u 26 Settembre,20h30 RUGLIANU
Ghjesa di Sant'Agnellu
Vennari u 27 Settembre, 21h PIGNA
Auditorium
.jpg)
Musique du seicento sur instruments d'époque.
Solistes : Rebecca Raimondi, Juliette Beauchamp, Eleonore Lucani, William Dongoi , Stefan Legée
Issu cuncertu mette à l’onore a musica barocca è i so strumenti (viulinu, curnettu, sacqueboute è cimbalu di u XVII seculu) in giru à un prugramma nant’à u “stylus phantasticus”. Nant’à a scena ritruveremu à William Dongois, à Stefan Légée ma dinù a viulinista taliana Rebecca Raimondi cù Eleonore Luciani. U “stylus phantasticus” hè una manera di cumpone a musica, diceremu più libera è fantaziosa, inventanta da dui organisti : Merula ind’a Basilica di San Marco in Venezia è Frescobaldi ind’à Basilica Giulia di San Pietro in Roma. St’usu novu fà prestu u giru di u vechju cuntinente sin’à a diventà una moda in Allemania, induve u più famosu di i cumponitori di u stylus fantasticus serà un certu... Jean Sebastian Bach.
Vennari u 27 Settembre, 21h30 BASTIA
Alb‘Oru
Sabbatu u 28 settembre, 20H30 LURI
Sala di e feste
Novecento” le pianiste sur l’océan
Concert-spectacle inspiré du monologue de Alessandro Barricco
Solistes : Sampiero Medori, Noé Clerc, Fanou Torracinta, Nicolas Arsenijevic, Noé Nillni, Lauriane Maudry, Anthony Caillet
U monologu di Alessandro Baricco (Premiu Ulysse 2015 à u Festival Arte Mare) conta a storia di Danny Boodmann T.D. Lemon dettu “Novecento”. Abbandunatu à u principiu di u seculu passatu nant’à u Virginian, un transatlanticu induve ellu serà aduttatu da i marinari. Cresciutu à bordu, senza mai sbarcà è pruvistu d’un donu strasurdinariu pè a musica, hà da diventà à pocu à pocu u pianista di a nave. A so nomina franca i mari : leggenda viva, miraculu incredibile, sona senza mai falà in terraferma, senza mai lascià l’oceanu chì hè a so forza è a so patria, senza mai lampassi in un mondu chì un pò micca capì. A storia hè cuntata da Tim Tooney, trumbettista di l'orchestra, amicu di Novecento è testimoniu privilegiatu di a so vita. U monologu serà messu in scena è interpretatu da u cumediante figarellese Sampiero Medori.
Dumenica u 29 Settembre - 16H30 BRANDU
Ghjesa di Purettu
Amarcord e la Scuola Napoletana
Musique italienne de la Naples du XVIIIème à la musique Fellinienne de Nino Rota
Solistes : Sampiero Medori, Noé Clerc, Fanou Torracinta, Nicolas Arsenijevic, Noé Nillni, Lauriane Maudry, Anthony Caillet
Comme un voyage musical, ce concert nous amène sur la rive d’en face, à la découverte des compositeurs de la scuola musicale napoletana. Naples qui connaîtra entre 1650 et la fin du XVIIIème une période d’or artistique et musicale. C’est alors une ville riche de nombreux conservatoires, et éprise d’une passion pour l’opera buffa en dialecte et pour la commedia dell’arte. Entre musique de chambre et concerti jusqu’à la musique Fellinienne de Nino Rota, nous partons au travers des strade Italiane du XVIIème, des églises, des tavernes et des salles de réception avec au programme de la musique de Domenico Cimarosa, mais aussi des œuvres rares de Leonardo Leo et Francesco Mancini.
Dumenica u 29 Settembre - 18h30 BRANDU
Piazza à a ghjesa di Purettu
Luni u 30 Settembre - 18h30 CERVIONI
Museu Anton Dumenicu Monti
Serenata e tarantella partenopea
Musica tradiziunale è populare di a capitale di u meziornu talianu
Soliste : Salvatore Conticello
U Festivale hà da compiesi cum’è tuttu l’anni in piazza di Purettu Brandu per un cuncertu di musica pupulare è tradiziunale napulitana. Nantu à u palcuscenicu, inturniatu da i strumentisti di u Festival, truveremu à Salvatore Conticello, cicilianu da parte di u so babbu è grecu da parte di a so mamma, è spezialista di a canzona di l’antica capitale di u meziornu talianu.
Stu ripertoriu s’hè arradicatu torna in parte ind’a cultura corsa. Si sà per esempiu chì trà e duie guerre è dinù a u principiu di u XX seculu a canzona partenopea ghjera ascultata è sunata in parechji caffè bastiacci.
U cuncertu principierà da l’origine prufonda di a musica napuletana cù a tarantella (ballu terapeuticu, ghjustappuntu, per i morsi di tarentule, ragni velenosi) è di a la villanella partenopea, una forma di canzona rustica è aspessu satirica. U canterinu ci purterà tandu versu a canzona classica napulitana cù un omaggiu à Roberto Murolo.