“Le mythe de la lyre”

Incù a participazione di...

A lira cretese sbarca in Creta, purtata d’Oriente à l’alba di u decimu seculu. A viola da gamba, ghjè, per contu soiu, un strumentu di quindicesimu seculu, natu ind’è e corte è e ghjese di a Spagna. Inseme, sò e duie voce d’una listessa legenda : l’una sustene i balli è u cantu tenendu viva a memoria di u populu grecu ; l’altru strumentu di cuntrapuntu di e corte uccidentale, sussura i soni di musica sapiente. Da l’isule d’Ulisse à i palazzi di l’età barocca, stu cuncertu face nasce un incontru trà issi dui mondi.

In issu viaghju musicale : un’opera uriginale, ispirata da i canti antichi di a cumunità greca di Carghjese, Three Mayes hè una cumpusizione di Martha Mavroidi. Maye, in inglese, insegna isse pile di petra di i franghji induve l’oliu, pianu pianu, venia racoltu. U pezzu hè statu scrittu pè a voce è i strumenti di Martha Mavroidi, Juliette Beauchamp, Lauriane Maudry è Salomé Gasselin.