“Appertura di u Festivale”

Incù a participazione di...

Dapoi sett’anni, cum’è una corte di musicanti in un reame senza rè nè castellu, decine di musicanti corsi è europei s’aduniscenu ind’u paese di Figarella per appruntà numerosi cuncerti, spettaculi, cunferenze è ancu prugetti pedagogichi per i più chjuchi.

A nostra andatura tende à creà un dialogu trà u mondu anticu è u mundu mudernu, trà musiche tradiziunali è musica classica, liendu dinù a musica cun altre forme di spressione, cum'è u ballu è u teatru. U Festivale, per via di a so prugrammazione, prova à mette in risaltu u cumunu cum’è e specificità di i linguaggi musicali, in cerca d’emuzione è di sentimi intempurali è cullettivi.

U prugramma, quist’annu : cantu sacru è prufanu di u Medievu è di u Rinascimentu, un caracolu mudernu annant’ à una Partita di Bach pè viulinu; capi d’opera di musica da camera ispirati da e tradizione pupulare; u Boléro è u so famosu cumponitore bascu; una creazione originale: San Ghjuvanni in Patmos di Marcu Biancarelli; u misteru di e cantate sacre di Bach, è un ballu finale in giru à a lira cretese è à u cantu di l'isule di u Dodecanesu.

Pubblicu fidu è pubblicu novu, venite à sparte isse stonde di musica è di piacè cun noi !

A Camerata Figarella