“In le to bracce mute”

Incù a participazione di...

Sabbatu u 20.09: Ruglianu, Piazza di a ghjesa di Sant’Agnellu

Dumenica u 21.09: Santa Maria di Lota, Torra di Miomu

Nantu à a piazza di a ghjesa di Ruglianu è di a Torra genuvese di Miomu, u pubblicu puderà scopre pè a prima volta, un dialogu trà ballu cuntempuraneu è a musica barocca di J.S Bach in una creazione di Marion Gautier de Charnacé.

Marion hè nata in u 1996 è face parte di u corpu di ballu di l’Opera di Parigi dipoi i so 13 anni. Marion s’impegna dinù in un travagliu in giru à u ballu cù zitellucci è zitellette in Guyana o pè i carrughji francesi.

À tempu, s'hè ancu dedicata à a cureografia, prisentendu annu a so creazione “Short Ride in a Fast Machine” per u 150esimu anniversariu di u Palazzu Garnier.

“In le to bracce mute” ghjè una cureografia induve, in cerca di l'uggettu di a so mancanza, una ballerina si move attraversu a partitura di Bach, accumpagnata solu da una piccula radiu è da duie piccule carreghe. À u viulinu, a solista franco-pulacca Juliette Beauchamp interpreteghja una di e partiture maiò di u repertoriu, chì u cumponitore è etnomusicologu Enescu scrivia: "Seria in core meiu, assai sebbiatu di pudè piglià altri trè viulini è cinque archetti per avè a forza di sprime ciò chì omu sente in un mumentu tale ".