“Le phonographe et la plume”

Incù a participazione di...

Marti u 23.09: Corti, Museu di a Corsica

Ghjovi u 25.09: E Ville di Petrabugnu, Ghjesa di Santa Lucia

Issi cuncerti seranu l’occasione per u pubblicu di cuntinuà a scopre ripertoriu di a musica da camera di cumponitori chì si sò ispirati di e tradizione populare d’Europa. À l’onore di u prugramma Fanny Mendelssohn, Berlioz, Schubert ma dinù dui cumponitori particulari : Komitas è Mykola Lyssenko.

U so nome era Soghomon Soghomonyan, ma hè più cunnisciutu cù u so nome di frate apostolicu : Komitas. À u seminariu, in un munasteru muntagnolu, Komitas avia amparatu à cantà è à scrive in musica. Cusì, à mezu à e so muntagne fiere è e so valle prunfonde era cuminciata l'opera di a so vita : a racolta di circa 1.200 versi musicali tradiziunali di i populi armeni, curdi è turchi. Attraversu à stu travagliu pionieristicu è attempu etnomusicologu, Komitas hè statu capace à cunservà una parte di un patrimoniu musicale chì averebbe pussutu sparì cumplettamente cù u Genocidiu Armenu di u 1915.

Mykola Lyssenko, natu in Ucraina, in Lviv, durante u duminiu di l’imperu di u Tsar, avia studiatu cù u maestru Rimsky Korsakov in St. Petersbourg. Ma l’amore per a cultura di a so terra, u purtò per i chjassi campagnoli in cerca di i Cobzar, pueti è cantadori itineranti è musichenti di Kobyz, stranu strumentu di a sucietà pasturale di e steppe turcomongole chì s’era mantenutu nant’à e terre di punente di l’Imperu Russu. Mykola fù unu di i primi etnomusicologhi è cumponitori ucraini di a storia è ci ha lasciatu accunciamenti di melodie tradiziunali pè viulinu.