“Salome’s dances for peace”

A musica minimalista, ghjè un linguaggiu musicale natu in America in l’anni ‘60. Ispiratusi da u travagliu à l’anticogna d’ Erik Satie, cumponitori cum’è Philip Glass, Steve Reich, Terry Riley, Arvo Pärt è altri si sò mossi in cerca d’una manera di scrive una musica muderna, puru accessibile à un pubblicu pupulare; à ritrosu di a musica seriale europea, chì forse dopu à l’urtu è à a disfatta murale di l’Europa durante à guerra avià abbandunatu l’elementi melodici è ritmici tradiziunali.

"Salome's Dance for Peace" hè un pezzu pè quartettu d’archetti scrittu in u 1985 da Terry Riley. Evucazione di paisaggi musicali è di terre luntane in giru pè u mondu ch'ellu cunsidereghja sacri, sarebbe cum’è ind’a storia rumana : Salome, seduttrice di a corte di u rè Erode, torna 2.000 anni dopu à ballà; a pace hè stata arrubbata à a terra da forze oscure, ed hè stata scelta ella per ripiglialla. Scuprirete u muvimentu finale di stu quartettu : “Good Medicine, Good Medicine Dance”.